Ang pagsisimba ay isang paraan ng mga pilipino para mapalapit at magpasalamat sa Panginoon kapalit ng mga ginawa niya satin, maganda man ito o hindi. Ang mga pilipino ay kilala sa pagiging isang relihiyosong tao at palagi tayong sumasali sa mga prosisyon at nagsisimba araw-araw. Tayo ay masunurin at maayos manamit kapag tayo ay pumupunta sa simbahan.

1. Ang mga nagsisimba dati ay maayos manamit

2. Nagdadasal ng maigi at nagkikinig sa Pari

Ngayon pumupunta parin ang mga kabataan sa simbahan pero kadalasan hindi na sila nakikinig sa Pari at sila nalang ay tumatambay sa simbahan at nagpapagwapo o nagpapagandahan ng damit. Tinuturing ng mga teenager ngayon ang simbahan na isang lugar kung saan sila ay pwede magdate at magpaganda, hindi na nito itinuturing ng bahay ng ating Panginoon

1. Mga di maayos na suot ng mga bata ngayon. 

2. Ang paggamit ng cellphone sa loob ng simbahan

3. Pagtulog ng mga tao sa simbahan

Konti nalang sa ating mga Pinoy ang nagdadasal ng maigi kapag sila ay nagsisimba o kaya'y kapag sila ay nasa bahay lang. Sana maibalik ang dating paraan ng pagsisimba at ang tamang kasuotan kapag tayo ay pumapasok sa bahay ng Panginoon.

Ang paraan ng pag-aaral

Dati kapag tayo ay papasok sa iskwelahan ang dami pa natin dala-dala, punong puno ang bag natin ng mga libro, dictionary, ballpen at mga papel. Sumasakit pa nga ang mga likod natin kapag tayo ay naka back pack lang ng matagal tapos dala-pala pa ang ating mga bag. Pagdating ng uwian nahuhuli pa tayo sa paglabas ng classroom dahil sa pagaayos ng ating gamit at dahil sa sobrang dami ng gamit kaya bumabagal tayo sa paglalakad.

Ngayon kapag tayo ang papasok na sa iskwelahan ilang gamit nalang dala natin minsan nga hindi na tayo nagdadala bukod sa ballpen eh. Tuwing tayo ay papasok ang laman nalang ng bag natin ay librong sobrang nipis at konting notebook. Karamihan kasi ngayon ang ginagamit na ng iskwelahan sa pagaaral ay tablet o iPad. Ang estudyante ngayon ay hindi na ballpen at papel ang hawak kung hindi mga cellphone o tablet nila. Minsan pipicturan nalang nila ang mga sinusulat ng kanilang mga Guro sa blackboard at dun na din sila kokopya.

Kaya konting estudyante nalang ngayon ang nakakapagseryoso sa pagaaral ay dahil din ito sa mga nauuso ngayon na mga teknolohiya. Nawawala ang kanilang atensyon sa kanilang Guro at napupunta na sa mga iPad, tablet o cellphone. Dapat ang paggamit nito ay nasa oras lang, gagamitin lang dapat nila kapag sinabi na ng Guro para sa kanilang partisipasyon at hindi masayang ang kanilang binabayad at para makapag-Graduate sa oras.